Skátarnir hafa selt Sígræna jólatréð síðan 1993 í fjáröflunarskyni. Jólatrén eru sérlega vönduð, með 10 ára ábyrgð og þykja með þeim fallegustu á markaðnum. Hægt er að kaupa Sígrænu jólatrén í Skátamiðstöðinni, Hraunbæ 123. Frá miðjum nóvember ár hvert er hægt að skoða trén uppsett.
Sígræna Jólatréð er framleitt skv. okkar fyrirmælum þannig að það líkist sem mest Normannsþini sem Íslendingar þekkja vel
Efnið sem notað er í Sígræna Jólatréð er þykkara (bæði vírinn og plastið) en á flestum öðrum trjám og er jafnframt eldtefjandi og grípur þar með ekki loga sem að því kæmi. Þykkara plast þýðir m.a. að greinarnar leggjast síður flatar í geymslu milli jóla og tréð virkar eðlilegra þegar komið er við það.
Trén eru með 10 ára ábyrgð og hægt er að fá hjá okkur varahluti ef einhver hluti þess skemmist eða týnist.
Sígræna Jólatréð endist vel á annan áratug sé farið vel með það, -Sígræna jólatréð er því mjög skynsamleg fjárfesting!
- 12 stærðir, 60 – 500 cm á hæð með fæti
- Stálfótur fylgir
- Ekkert barr til að ryksuga!
- Truflar ekki stofublómin
- Ekki ofnæmisvaldandi
- Íslenskar leiðbeiningar fylgja!
Bandalag íslenskra skáta hefur heimsótt verksmiðjuna í Tælandi og staðfest að börn vinni ekki við framleiðsluna.
